Йемендин Абу-Дабиге каршы операциясын айыптап, Ак үйдүн Улуттук коопсуздук боюнча кеңешчиси жана Мамлекеттик департаменттин өкүлү Вашингтондун БАЭнин коопсуздугу боюнча милдеттенмеси бекем экенин жана эмираттык өнөктөштөрүнүн жанында экенин айтты.
Fars агенттигинин эл аралык тобунун маалыматына ылайык, Йемен күчтөрүнүн Абу-Дабидеги эмираттык баскынчыларга каршы кеңири масштабдуу операциясы, дүйнөдөгү терроризмге эң чоң демөөрчү болгон Америка Кошмо Штаттарынын сынына кабылды. Ак үйдүн улуттук коопсуздук боюнча кеңешчиси Жейк Салливан билдирүүсүндө: “Кошмо Штаттар Бириккен Араб Эмираттарынын Абу-Даби шаарында үч карапайым адамдын өмүрүн алган бүгүнкү террордук чабуулду катуу айыптайт”,-деди. Йеменге каршы согуш башталгандан бери он миңдеген бейкүнөө Йемен жарандарын өлтүргөн Салливан: “Хусийлер кол салуу жоопкерчиликти өзүнө алышты жана биз БАЭ жана анын эл аралык өнөктөштөрү менен аларга каршы жооп кайтаруу үчүн иштейбиз” деди. “Биздин БАЭнин коопсуздугу боюнча милдеттенмебиз өзгөрбөйт жана биз БАЭ өнөктөштөрүбүз менен алардын аймагына каршы бардык коркунучтарга каршы турабыз”, – деп кошумчалады ал Ак үйдүн маалымат сайтында.
Андан кийин АКШнын Мамлекеттик департаментинин басма сөз катчысы Нед Прайс Йемендик каршылык көрсөтүүнүн Абу-Дабиге каршы операциясын айыптап, Абу-Даби эл аралык аэропорту менен катар жарандык жайлар бутага алынганын билдирди.
“Биз курман болгондордун жакындарына жана БАЭ элине көңүл айтабыз”, – деп айтылат Прайс билдирүүсүндө. “Биз Бириккен Араб Эмираттарынын коопсуздугуна болгон тайманбас милдеттенмебизди дагы бир жолу кайталайбыз жана эмираттык өнөктөштөрүбүз менен биримдикте турабыз”.
Йемендин куралдуу күчтөрүнүн басма сөз катчысы дүйшөмбү күнү кечинде Йемендик күчтөр Дубай жана Абу-Даби аэропортторун ракета жана учкучсуз учактар менен бутага алган коалициянын агрессиясына жооп иретинде дүйшөмбү күнү Йемендик “Бороон” аскердик операциясы башталганын жарыялады.
Яхья Сарийъ операциянын БАЭдеги кээ бир маанилүү жана сезимтал позицияларды бутага алган агрессордук коалициянын кол салууларынын көбөйүшүнө жооп иретинде жасалганын баса белгиледи. Йемен куралдуу күчтөрүнүн басма сөз катчысы операциянын чоо-жайын түшүндүрүп: «Операция беш баллистикалык жана канаттуу ракета жана бир нече учкучсуз учуучу аппараттар менен жүргүзүлүп, максаттарына жетти»,-деди.
Ансаруллахтын расмий өкүлү ошондой эле эгер БАЭ агрессиясын уланта берсе, Йемен армиясы аэропортторду жана мунай объекттерин бутага ала турганын эскертти.
